Milli Məclisin sədri Sahibə Qafarova dekabrın 28-də İsrail Dövlətinin Azərbaycan Respublikasındakı fövqəladə və səlahiyyətli səfiri Corc Dik ilə görüşüb. Səfiri salamlayan spiker, bu görüşün onun diplomatla parlamentdə ikinci görüşü olduğunu xatırladıb və onun səfir kimi fəaliyyətini yüksək qiymətləndirib.
Yanvarın 26-da Milli Məclisin Aqrar siyasət komitəsinin 2023-cü ilin yaz sessiyasında ilk iclası keçirilib. Komitənin sədri Tahir Rzayev yaz sessiyasının başlaması münasibəti ilə deputatları təbrik edib, onlara gələcək fəaliyyətlərində müvəffəqiyyətlər arzulayıb.
Yanvarın 24-də Milli Məclisin İqtisadi siyasət, sənaye və sahibkarlıq komitəsinin 2023-cü il yaz sessiyasında ilk iclası keçirilib. Komitənin sədri Tahir Mirkişili yeni sessiyanın başlaması münasibəti ilə həmkarlarını təbrik edib, onlara gələcək fəaliyyətlərində uğurlar diləyib. O, iclasda 22 məsələnin müzakirəyə çıxarıldığını diqqətə çatdırıb.
