Milli Məclisin Sədri
Sahibə Əli qızı Qafarova
- Salamlama
- Tərcümeyi-hal
- Görüşlər
- Səfərlər
Azərbaycan Respublikası Milli Məclisinin internet saytında sizi salamlayıram.
Azərbaycan Respublikasında qanunvericilik hakimiyyətini Azərbaycan Respublikasının Milli Məclisi həyata keçirir.
Milli Məclis 125 deputatdan ibarətdir. Parlamentin hər çağırışının səlahiyyət müddəti 5 ildir.
Yeddinci çağırış Milli Məclis 2024-ci il sentyabrın 1-də keçirilən seçkilər nəticəsində formalaşmışdır. Bir palatadan ibarət olan 125 nəfərlik parlamentə 11 siyasi partiyanın təmsilçiləri seçilmişlər. Milli Məclisdə deputat mandatlarının əksəriyyəti cəmiyyətin aparıcı siyasi qüvvəsi olan Yeni Azərbaycan Partiyasının üzvlərinə mənsubdur.
Deputatlar arasında tanınmış siyasi və ictimai xadimlər, alimlər və mütəxəssislər, ədəbiyyat və mədəniyyət adamları vardır. Parlament üzvlərinin 26 nəfəri qadınlardır. Milli Məclisdə 15 komitə, 3 komissiya, 1 təşəbbüs qrupu, habelə xarici ölkələrin parlamentləri ilə əlaqələr üzrə 103 işçi qrupu fəaliyyət göstərir.
Parlamentin büdcəyə nəzarət funksiyasının həyata keçirilməsi üçün Milli Məclis Azərbaycan Respublikasının Hesablama Palatasını yaratmışdır.
Hər il Milli Məclis Nazirlər Kabinetinin, Hesablama Palatasının, İnsan hüquqları üzrə müvəkkilin (ombudsmanın), Bələdiyyələrin fəaliyyətinə inzibati nəzarəti həyata keçirən orqanın, İnsan alverinə qarşı mübarizə üzrə Milli Koordinatorun və gender bərabərliyinin təmin edilməsinə nəzarəti həyata keçirən müvafiq icra hakimiyyəti orqanının hesabat, məruzə və məlumatlarını dinləyir.
Azərbaycan parlamentinin fəaliyyəti açıqlıq və aşkarlıq prinsipləri üzərində qurulmuşdur və diqqətinizə təqdim edilən internet saytı da bunun təzahürlərindən biridir. Əminəm ki, burada verilən məlumatlar Azərbaycanın qanunvericilik orqanının fəaliyyəti ilə daha yaxından tanış olmağınıza kömək edəcəkdir.
Sahibə Qafarova,
Azərbaycan Respublikası Milli Məclisinin sədri
2020-ci il martın 10-dan Azərbaycan Respublikası Milli Məclisinin sədridir.
Şəmkir şəhərində anadan olmuşdur. Azərbaycan Pedaqoji Rus dili və Ədəbiyyatı İnstitutunun Rus dili və ədəbiyyatı fakültəsini və Azərbaycan Dillər Universitetinin İngilis filologiyası fakültəsini fərqlənmə diplomları ilə bitirmişdir. Filologiya elmləri doktoru, professordur. Əməkdar müəllimdir. «Şərəf» ordeni, Azərbaycan Respublikası Milli Məclisinin fəxri medalı ilə təltif edilmişdir. MDB Parlamentlərarası Assambleyasının «Birlik» ordeninə və «Parlament əməkdaşlığının möhkəmləndirilməsinə görə» medalına, Rusiyanın «Dostluq» ordeninə, Türkmənistanın «Əməkdaşlığın inkişafına töhfəyə görə» Dövlət ordeninə, Varşava Universitetinin Fəxri diplomuna və medalına layiq görülmüşdür. Qazaxıstanın Lev Qumilyov adına Avrasiya Milli Universitetinin və Belarus Dövlət Universitetinin fəxri professorudur. Müxtəlif dərslik və dərs vəsaitlərinin, monoqrafiya və onlarca elmi məqalənin müəllifidir. Türk, ingilis və rus dillərini bilir.
1978–1981-ci illərdə Şəmkir şəhərində orta məktəblərdə müəllim işləmişdir. 1981–2020-ci illərdə Bakı Slavyan Universitetinin laborantı, müəllimi, baş müəllimi, dosenti, professoru, Avropa dilləri kafedrasının müdiri, Beynəlxalq əlaqələr üzrə prorektoru (2010–2020-ci illərdə ictimai əsaslarla) olmuşdur. Həmçinin 2000–2004-cü illərdə Qərb Universitetinin Qərb dilləri fakültəsinin dekanı vəzifəsində işləmişdir. 2006-cı ildə ABŞ Dövlət Departamentinin Fulbright Scholarship proqramı çərçivəsində Miçiqan Universitetinin Gender Araşdırmaları İnstitutunda çalışmışdır.
Yeni Azərbaycan Partiyasının üzvüdür.
Dördüncü, beşinci və altıncı çağırış Azərbaycan Respublikası Milli Məclisinin deputatı olmuşdur.
2015–2020-ci illərdə Milli Məclisin Ailə, qadın və uşaq məsələləri komitəsi sədrinin müavini olmuşdur.
2010–2020-ci illərdə Avropa Şurasının Parlament Assambleyasında Azərbaycan nümayəndə heyətinin üzvü olmuşdur. 2012–2014-cü illərdə həmin qurumda İrqçiliyə və ksenofobiyaya qarşı alt komitəyə, 2014–2015-ci illərdə Gender bərabərliyi alt komitəsinə rəhbərlik etmiş, 2015–2017-ci illərdə «Zorakılıqdan azad qadınlar» şəbəkəsinin siyasi əlaqələndiricisi, Qadınlara qarşı zorakılıqla mübarizə üzrə baş məruzəçi, 2016–2018-ci illərdə AŞPA-nın Miqrasiya, qaçqınlar və məcburi köçkünlər komitəsinin sədri, Büro üzvü olmuşdur. 2018–2020-ci illərdə Avronest Parlament Assambleyasında Azərbaycan nümayəndə heyətinə rəhbərlik etmişdir.
2020-ci il martın 10-da altıncı çağırış Milli Məclisin və 2024-cü il sentyabrın 23-də yeddinci çağırış Milli Məclisin sədri seçilmişdir.
Hazırda Parlamentlərarası İttifaqda, Qoşulmama Hərəkatının Parlament Şəbəkəsində, Türk Dövlətlərinin Parlament Assambleyasında, MDB-nin Parlamentlərarası Assambleyasında və İqtisadi Əməkdaşlıq Təşkilatının Parlament Assambleyasında Azərbaycan nümayəndə heyətlərinin rəhbəridir.
Türk Dövlətləri Parlament Assambleyasının, Qoşulmama Hərəkatı Parlament Şəbəkəsinin, Qara dəniz İqtisadi Əməkdaşlıq Təşkilatı Parlament Assambleyasının, İqtisadi Əməkdaşlıq Təşkilatı Parlament Assambleyasının və Asiya Parlament Assambleyasının sədridir.
Evlidir, 2 övladı var.
Milli Məclisin sədri Sahibə Qafarova videokonfrans formatında seçicilərin növbəti qəbulunu keçirib
Aprelin 24-də Milli Məclisin sədri, 102 saylı Şəmkir şəhər seçki dairəsindən millət vəkili Sahibə Qafarova videokonfrans formatında seçicilərin növbəti qəbulunu keçirib.
_1744813430.jpeg)
Milli Məclisin sədri Sahibə Qafarova Gürcüstan Prezidenti ilə görüşüb
Aprelin 16-da ölkəmizdə rəsmi səfərdə olan Gürcüstan Prezidenti Mixeil Kavelaşvilinin başçılıq etdiyi nümayəndə heyəti Milli Məclisdə olub.
_1744804630.jpeg)
Milli Məclisin sədri Sahibə Qafarova Sloveniya-Azərbaycan parlamentlərarası dostluq qrupunun üzvləri ilə görüşüb
Milli Məclisin sədri Sahibə Qafarova Sloveniya-Azərbaycan parlamentlərarası dostluq qrupunun rəhbəri Boyan Çebelanın başçılıq etdiyi nümayəndə heyəti ilə görüşüb.
_1744708924.jpeg)
Milli Məclisin sədri Sahibə Qafarova Türkiyə Böyük Millət Məclisinin Milli Müdafiə Komitəsinin sədri Hulusi Akar ilə görüşüb
Milli Məclisin sədri Sahibə Qafarova aprelin 15-də ölkəmizdə səfərdə olan Türkiyə Böyük Millət Məclisinin (TBMM) Milli Müdafiə Komitəsinin sədri Hulusi Akar ilə görüşüb.
Milli Məclisin sədri Sahibə Qafarova Rumıniya Parlamenti Senatının nümayəndə heyəti ilə görüşüb
Aprelin 14-də Milli Məclisin sədri Sahibə Qafarova ölkəmizdə səfərdə olan Rumıniya Parlamenti Senatı sədrinin vəzifəsini müvəqqəti icra edən Mirça Abrudeanın başçılıq etdiyi nümayəndə heyəti ilə görüşüb.
_1743681077.jpeg)
Milli Məclisin sədri Sahibə Qafarova Venesuela Milli Assambleyasının nümayəndə heyəti ilə görüşüb
Milli Məclisin sədri Sahibə Qafarova Venesuela Bolivar Respublikası Milli Assambleyası sədrinin müavini, Venesuela-Azərbaycan parlamentlərarası əlaqələr üzrə dostluq qrupunun rəhbəri Amerika Valentina Peres Davila ilə görüşüb.
Milli Məclisin sədri Sahibə Qafarova Çin Kommunist Partiyası Mərkəzi Komitəsinin nümayəndə heyəti ilə görüşüb
Aprelin 2-də Milli Məclisin sədri Sahibə Qafarova ölkəmizdə səfərdə olan Çin Kommunist Partiyası Mərkəzi Komitəsinin (ÇKP MK) üzvü, Mərkəzi Komitənin Beynəlxalq əlaqələr şöbəsinin müdiri Lu Tzançaunun rəhbərlik etdiyi nümayəndə heyəti ilə görüşüb.
Milli Məclisin sədri Sahibə Qafarova Roma Papasının dəfn mərasimində iştirak edəcək
Aprelin 25-də Milli Məclisin sədri Sahibə Qafarovanın başçılığı ilə parlament nümayəndə heyəti Roma Papası Fransiskin dəfn mərasimində iştirak etmək üçün İtaliyanın Roma şəhərinə səfər edəcək.
_1744984421.jpeg)
Milli Məclisin sədri Sahibə Qafarova Sankt-Peterburqda faşizm üzərində Qələbənin 80 illiyinə həsr olunmuş tədbirlərdə iştirak edib
Aprelin 18-də Rusiya Federasiyasının Sankt-Peterburq şəhərində Müstəqil Dövlətlər Birliyinə üzv olan dövlətlərin Parlamentlərarası Assambleyası çərçivəsində 1941–1945-ci illərdə faşizm üzərində Qələbənin 80 illiyinə həsr olunmuş tədbirlər keçirilib. Milli Məclisin sədri Sahibə Qafarovanın başçılıq etdiyi parlament nümayəndə heyəti tədbirlərdə iştirak edib.
_1744982229.jpeg)
Milli Məclisin sədri Sahibə Qafarova MDB PA-nın faşizm üzərində Qələbənin 80 illiyinə həsr olunmuş təntənəli iclasında çıxış edib
Milli Məclisin sədri Sahibə Qafarova Rusiya Federasiyasına işgüzar səfəri çərçivəsində aprelin 18-də Müstəqil Dövlətlər Birliyinə (MDB) üzv dövlətlərin Parlamentlərarası Assambleyasının 1941-1945-ci illərdə faşizm üzərində Qələbənin 80 illiyinə həsr olunmuş təntənəli iclasında çıxış edib.
Milli Məclisin sədri Sahibə Qafarova MDB PA-nın Şura və 58-ci plenar iclaslarında iştirak edib (yenilənib)
Milli Məclisin sədri Sahibə Qafarova Rusiya Federasiyasının Sankt-Peterburq şəhərinə işgüzar səfəri çərçivəsində Müstəqil Dövlətlər Birliyinə üzv olan dövlətlərin Parlamentlərarası Assambleyasının Şura və 58-ci plenar iclaslarında iştirak edib.
_1744903632.jpeg)
Milli Məclisin sədri Sahibə Qafarova MDB PA-nın Şura iclasında iştirak edib
Milli Məclisin sədri Sahibə Qafarovanın Rusiya Federasiyasının Sankt-Peterburq şəhərinə işgüzar səfəri davam edir.
Milli Məclisin sədri Sahibə Qafarova Özbəkistan Ali Məclisi Senatının sədri Tənzilə Narbayeva ilə görüşüb
Milli Məclisin sədri Sahibə Qafarova Rusiya Federasiyasına işgüzar səfəri çərçivəsində Özbəkistan Respublikası Ali Məclisi Senatının sədri Tənzilə Narbayeva ilə görüşüb.
Milli Məclisin sədri Sahibə Qafarova Rusiya Federasiyasına işgüzar səfərə gəlib
Milli Məclisin sədri Sahibə Qafarovanın başçılığı ilə parlament nümayəndə heyəti MDB Parlamentlərarası Assambleyasının (MDB PA) Şura, 58-ci plenar və 1941–1945-ci illərdə faşizm üzərində Qələbənin 80 illiyinə həsr olunmuş təntənəli iclaslarında iştirak etmək üçün Rusiya Federasiyasının Sankt-Peterburq şəhərinə işgüzar səfərə gəlib.