Milli Məclisdə “Keçmişdən gələcəyə çağırış: Qərbi Azərbaycana qayıdış fəlsəfəsinə gənclərin baxışı" mövzusunda ictimai dinləmə keçiriləcək
Dekabrın 6-da Milli Məclisdə parlamentin Gənclər və idman komitəsinin təşkilatçılığı ilə "Keçmişdən gələcəyə çağırış: Qərbi Azərbaycana qayıdış fəlsəfəsinə gənclərin baxışı" mövzusunda ictimai dinləmə keçiriləcək.
Azərbaycan parlament nümayəndə heyətinin üzvləri Almaniya-Cənubi Qafqaz parlamentlərarası əlaqələr üzrə qrupun üzvləri ilə görüşüblər
Milli Məclisin sədri Sahibə Qafarovanın başçılığı ilə Almaniya Federativ Respublikasında səfərdə olan Azərbaycan parlament nümayəndə heyətinin üzvləri Almaniya-Cənubi Qafqaz parlamentlərarası əlaqələr üzrə qrupunüzvləri ilə görüşüblər.
Avropa Şurası Parlament Assambleyasının (AŞPA) Monitorinq komitəsinin iclasında
Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-da nümayəndə heyətinin rəhbəri Səməd Seyidov AŞPA-nın Monitorinq komitəsinin işində iştirak etmək üçün dekabrın 2-də İtaliya Respublikasının Roma şəhərinə səfər edəcək.
Azərbaycan Respublikası Milli Məclisinin Beynəlxalq münasibətlər və parlamentlərarası əlaqələr komitəsinin Avropa Parlamentinin Xarici əlaqələr komitəsinin 2023-cü il noyabrın 29-da qəbul etdiyi illik hesabatlarla bağlı bəyanatı
Azərbaycan Respublikası Milli Məclisinin Beynəlxalq münasibətlər və parlamentlərarası əlaqələr komitəsi Avropa Parlamentinin Xarici əlaqələr komitəsinin 2023-cü il noyabrın 29-da “Ümumi təhlükəsizlik və müdafiə siyasətinin həyata keçirilməsi”, həmçinin “Ümumi xarici və təhlükəsizlik siyasətinin həyata keçirilməsi” ilə bağlı qəbul edilən illik hesabatlarında Azərbaycanla bağlı öz əksini tapmış beynəlxalq hüquqa zidd, qeyri-etik, ölkəmizin suverenliyinə və ərazi bütövlüyünə qarşı yönəlmiş gülünc və qərəzli fikirləri qətiyyətlə rədd edir.
Milli Məclisdə “Azərbaycanda yerli demokratiyanın, özünüidarəetmənin və regionların inkişafında Heydər Əliyev irsi” mövzusunda ictimai dinləmə keçirilib
Noyabrın 30-da parlamentin Regional məsələlər komitəsinin iş planına əsasən, Milli Məclisdə deputatların, Ədliyyə Nazirliyinin Bələdiyyələrlə İş Mərkəzinin rəisinin, Bakı şəhərinin və bir sıra rayon bələdiyyələrinin sədrlərinin və digər mərkəzi icra hakimiyyəti orqanlarının təmsilçilərinin, eyni zamanda mətbuat və qeyri-hökumət təşkilatlarının nümayəndələrinin iştirakı ilə “Azərbaycanda yerli demokratiyanın, özünüidarəetmənin və regionların inkişafında Heydər Əliyev irsi” mövzusunda ictimai dinləmə keçirilib.
Rusiya Federasiyasının Tatarıstan Respublikasında Heydər Əliyevin 100 illik yubiley tədbirləri keçiriləcək
Milli Məclisin deputatı Vüqar İskəndərov Rusiya Federasiyasının Tatarıstan Respublikasının Kazan şəhərində Heydər Əliyevin 100 illik yubileyinə həsr olunmuş tədbirlərdə iştirak edəcək.
Deputatlar Rusiya Federasiyasına səfər edəcək
Milli Məclisin deputatları - Əminə Ağazadə və Sabir Hacıyev Ümummilli lider Heydər Əliyevin 100 illik yubileyinə həsr olunmuş tədbirdə iştirak etmək üçün noyabrın 30-da Rusiya Federasiyasının Həştərxan şəhərinə səfər edəcəklər.
Azərbaycan Respublikası Milli Məclisinin Ermənistan parlamentinin spikeri Alen Simonyanın 2023-cü il 28 noyabr tarixli açıqlamasına münasibəti
Ermənistan parlamentinin spikeri Alen Simonyan noyabrın 28-də jurnalistlərə açıqlamasında növbəti dəfə regionda mövcud olan reallıqları təhrif edərək, həqiqətdən uzaq fikirlər səsləndirmişdir. Ermənistan parlamenti spikerinin bu müsahibəsi Ermənistan rəhbərliyinin “absurd iddialar” növbəsinə dayandığını aşkar şəkildə göstərməklə yanaşı, xarici havadarlarının gözünə girmək uğrunda yarışdığına da dəlalət edir. Son səsləndirilən fikirlərə başqa cür izahat vermək mümkün deyil.
Milli Məclisin deputatı BMT-nin Forumunda iştirak edəcək
Milli Məclisin deputatı Şahin İsmayılov BMT çərçivəsində Azlıq Məsələləri Forumunun 16-cı sessiyasında iştirak etmək üçün noyabrın 29-da İsveçrənin Cenevrə şəhərinə səfər edəcək.
Naxçıvanda Ümummilli Lider Heydər Əliyevin 100 illik yubileyinə həsr olunmuş seminar keçiriləcək
Milli Məclisin deputatı Ceyhun Məmmədov noyabrın 29-da və 30-da Ulu Öndər Heydər Əliyevin anadan olmasının 100-cü ildönümü ilə əlaqədar Bakı Beynəlxalq Multikulturalizm Mərkəzi tərəfindən Naxçıvan Muxtar Respublikasında keçiriləcək seminarda iştirak edəcək.
Beynəlxalq tədbirdə
Milli Məclisin deputatı Məlahət İbrahimqızı UNESCO-nun İrqçiliyə və ayrı-seçkiliyə qarşı Üçüncü Qlobal Forumunda iştirak etmək üçün noyabrın 28-də Braziliya Federativ Respublikasının San-Paolo şəhərinə səfər edəcək.
AŞPA-nın tədbirlərində
Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-da Azərbaycan nümayəndə heyətinin rəhbəri Səməd Seyidov, deputatlar Sevinc Fətəliyeva, Asim Mollazadə, Rafael Hüseynov, Erkin Qədirli və Kamal Cəfərov Avropa Şurası Parlament Assambleyasının Büro, Siyasi işlər və demokratiya, Hüquqi məsələlər və insan hüquqları, Sosial məsələlər və davamlı inkişaf, Mədəniyyət, təhsil və elm komitələrinin 30 noyabr - 14 dekabr tarixlərində Fransanın Paris şəhərində keçiriləcək iclaslarında iştirak edəcəklər.
Azərbaycan 2024-cü ildən Asiya Parlament Assambleyasına sədrlik edəcək
Türkiyənin Antalya şəhərində Asiya Parlament Assambleyasının (APA) İcraedici Şurasının iclası keçirilib.
Hərbi qulluqçuların pensiya təminatı ilə bağlı qanun layihəsi Milli Məclisə daxil olub
Bu günlərdə “Hərbi qulluqçuların statusu haqqında”, “Hərbi xidmətkeçmə haqqında” Əsasnamə”nin təsdiq edilməsi barədə”, “Əmək pensiyaları haqqında” və “Hərbi vəzifə və hərbi xidmət haqqında” Azərbaycan Respublikasının qanunlarında dəyişiklik edilməsi barədə” Azərbaycan Respublikasının Qanun layihəsi Milli Məclisə daxil olub.
Parlamentlərarası əməkdaşlıq üzrə qlobal forumda
Milli Məclisin sədr müavini, parlamentin Gənclər və idman komitəsinin sədri Adil Əliyev, Əmək və sosial siyasət komitəsinin sədri Musa Quliyev və parlament Aparatı rəhbərinin müavini Rüstəm Mahmudov noyabrın 30-da keçiriləcək Dayanıqlı İnkişaf Məqsədlərinin həyata keçirilməsində Parlamentlərarası Əməkdaşlıq üzrə İkinci Qlobal Forumda iştirak etmək üçün Özbəkistanın Daşkənd şəhərinə səfər edəcəklər.
ATƏT PA-nın tədbirində
Milli Məclisin deputatı, ATƏT PA-da nümayəndə heyətinin rəhbəri Azay Quliyev ATƏT PA-nın Büro iclasında iştirak etmək üçün noyabrın 28-də Şimali Makedoniya Respublikasının Skopye şəhərinə səfər edəcək.
Milli Məclisin futbol komandası beynəlxalq turnirdə bürünc medal qazanıb
Noyabrın 23-27-də Türkiyənin Antalya şəhərində Türkiyə Respublikasının 100-cü ildönümünə həsr olunmuş beynəlxalq parlamentlərarası futbol turniri keçirilib. Turnirdə Türkiyə, Azərbaycan, Rumıniya, Bolqarıstan, Bosniya və Herseqovina, Macarıstan və Gürcüstan parlamentlərinin komandaları iştirak ediblər.
_1700920272.jpeg)
“Gənc-Fest" festivalının iştirakçıları Milli Məclisdə olublar
Ümummilli Lider Heydər Əliyevin anadan olmasının 100 illik yubileyinə və gənclərlə görüşünün 30 illiyinə həsr olunmuş "Gənc-Fest" festivalının 250-yə yaxın iştirakçısı noyabrın 25-də Milli Məclisdə olublar.
Asiya Parlament Assambleyasının tədbirində
Milli Məclisin deputatı, Asiya Parlament Assambleyasında (APA) nümayəndə heyətinin rəhbəri Əminə Ağazadə qurumun İcraedici Şurasının iclasında iştirak etmək üçün noyabrın 26-da Türkiyə Respublikasının Antalya şəhərinə səfər edəcək.
Milli Məclisin deputatı AŞPA-nın tədbirlərində iştirak edəcək
Milli Məclisin Beynəlxalq münasibətlər və parlamentlərarası əlaqələr komitəsinin sədri, Avropa Şurası Parlament Assambleyasında (AŞPA) nümayəndə heyətinin rəhbəri Səməd Seyidov qurumun tədbirlərində iştirak etmək üçün noyabrın 26-da Lixtenşteyn Knyazlığının Vaduts şəhərinə səfər edəcək.