AŞPA-nın komitə iclaslarında

Tədbirlər
30 noyabr 2022 | 15:19   
Paylaşın:        

Dekabrın 1-də və 2-də Fransanın paytaxtı Paris şəhərində Avropa Şurası Parlament Assambleyasının Bərabərlik və qeyri-diskriminasiya, Sosial məsələlər, sağlamlıq və davamlı inkişaf komitələrinin iclasları keçiriləcək. AŞPA-nın komitə iclaslarında Milli Məclisin AŞPA-dakı nümayəndə heyətinin üzvləri Sevinc Fətəliyeva və Könül Nurullayeva iştirak edəcəklər.

***

Milli Məclisin deputatı Könül Nurullayeva AŞPA-nın dekabrın 1-də keçiriləcək Bərabərlik və qeyri-diskriminasiya komitəsinin iclasında iştirak edəcək.

İclasda “Nifrətə yox!” Parlament Alyansının, “Zorakılıqdan azad qadınlar” Parlament Şəbəkəsinin fəaliyyəti nəzərdən keçiriləcək, gender zorakılığı hallarının qarşısının alınması, parlament fəaliyyətində, iqtisadi və siyasi həyatda inklüziv iştirakçılığın dəstəklənməsi kimi aktual mövzular və digər məsələlər müzakirə ediləcək, müvafiq qərarlar qəbul olunacaq.

***

Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva AŞPA-nın dekabrın 2-də keçiriləcək Sosial məsələlər, sağlamlıq və davamlı inkişaf komitəsinin iclasında iştirak edəcək.

İclasda silahlı münaqişələrin ətraf mühitə təsiri, cəmiyyətin sağlamlığı ilə bağlı fövqəladə vəziyyətlər, təbii fəlakətlərin qarşısının alınmasında siyasi strategiyalar, uşaqların internetin zərərli təsirlərindən müdafiəsi kimi mövzular müzakirə olunacaq.

Deputatlarımız tədbirlərdə müzakirə olunan məsələlərə öz münasibətlərini bildirəcəklər.

Milli Məclisin Mətbuat və
ictimaiyyətlə əlaqələr şöbəsi


Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU