FƏTƏLİYEVA Sevinc Həbib qızı

Azərbaycan Respublikası Milli Məclisinin deputatı
Dairə: 30 saylı Suraxanı birinci seçki dairəsi
1979-cu il avqustun 17-də Bakı şəhərində anadan olmuşdur. Azərbaycan Dillər Universitetinin Tərcümə fakültəsini bitirmişdir. Filologiya üzrə fəlsəfə doktoru, dosentdir. Rus və ingilis dillərini bilir. 2000-ci ildən «Mitsui Co, Ltd.» şirkətində tərcüməçi işləmişdir. 2003-cü ildən Bakı Slavyan Universitetinin roman-german dilləri kafedrasının müəllimi, 2006-cı ildən İngilis filologiyası kafedrasının dosenti, kafedra müdiri vəzifələrində çalışmışdır. Yeni Azərbaycan Partiyasının üzvüdür. Milli Məclisin Beynəlxalq münasibətlər və parlamentlərarası əlaqələr komitəsi sədrinin müavinidir. Avropa Şurasının Parlament Assambleyasında Azərbaycan nümayəndə heyətinin üzvüdür. İsveç, Qətər, Misir, Yunanıstan parlamentləri ilə əlaqələr üzrə işçi qruplarının üzvüdür. Evlidir, 2 övladı var
Partiya mənsubiyyəti: Yeni Azərbaycan Partiyası

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU