AXUNDOVA Elmira Hüseyn qızı

Azərbaycan Respublikası Milli Məclisinin deputatı
Dairə: 71 saylı Masallı kənd seçki dairəsi
1953-cü il mayın 26-da Moskva vilayətinin Ramenskoye qəsəbəsində anadan olmuşdur. Azərbaycan Dövlət Universitetinin filologiya fakültəsini bitirmişdir. Filologiya elmləri namizədidir. Əməkdar jurnalistdir. «Şöhrət» ordeni ilə təltif edilmişdir. Həsən bəy Zərdabi, Rəsul Rza və Nəcəf Nəcəfov mükafatlarının laureatıdır. R.Rza adına Beynəlxalq Ədəbiyyat Fondunun vitse-prezidentidir. Bir sıra bədii və publisistik kitabların müəllifidir. Rus və fransız dillərini bilir. Azərbaycan Respublikasının Prezidenti yanında Əfv məsələləri komissiyasının üzvüdür. 1977-ci ildən Azərbaycan Dövlət Televiziya və Radio Verilişləri Komitəsində redaktor, 1980-ci ildən Azərbaycan Yazıçılar İttifaqında referent-məsləhətçi, 1988-ci ildən Nizami Gəncəvi adına Ədəbiyyat İnstitutunda baş elmi işçi vəzifələrində çalışmışdır. 1990-cı ildən «Literaturnaə qazeta»nın, 1993-cü ildən «Svoboda» radiosununmüxbiri, 1998-ci ildən «Obhaə qazeta»nın Azərbaycan üzrə xüsusi müxbiri olmuşdur. 2002-ci ildən Bakı Slavyan Universitetinin dosentidir. Bitərəfdir. Milli Məclisin Sosial siyasət daimi komissiyasının üzvüdür. Azərbaycan-Lüksemburq parlamentlərarası əlaqələr üzrə işçi qrupunun rəhbəri, Azərbaycan-Çernoqoriya, Azərbaycan-Fransa, Azərbaycan-Küveyt, Azərbaycan-Rusiya, Azərbaycan-Slovakiya parlamentlərarası əlaqələr üzrə işçi qruplarının üzvüdür. MDB-nin Parlamentlərarası Assambleyasında Azərbaycan nümayəndə heyətinin üzvüdür. Evlidir, 2 övladı var
Partiya mənsubiyyəti: Bitərəf

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU