1947-ci il oktyabrın 18-də Bakı şəhərində anadan olmuşdur. Azərbaycan Politexnik İnstitutunun hidromeliorasiya fakültəsini və Bakı Dövlət Universitetinin hüquq fakültəsini bitirmişdir. Rus dilini bilir. Yeni Azərbaycan Partiyası Mərkəzi Nəzarət-Təftiş Komissiyasının üzvüdür. Birinci çağırış Azərbaycan Respublikası Milli Məclisinin deputatı olmuşdur. 2000-ci il noyabrın 5-də 18 saylı Əzizbəyov seçki dairəsindən deputat seçilmişdir. Milli Məclisin Regional məsələlər daimi komissiyası sədrinin müavinidir. Evlidir, 5 övladı var.