Milli Məclisin deputatları QDİƏT PM-in tədbirlərində iştirak edəcəklər
Qara Dəniz İqtisadi Əməkdaşlıq Təşkilatı Parlament Məclisində (QDİƏT PM-də) Azərbaycan nümayəndə heyətinin rəhbəri Eldar Quliyev və nümayəndə heyətinin üzvləri Jalə Əhmədova və Ramin Məmmədov bu qurumun komitə iclaslarında iştirak etmək üçün oktyabrın 30-da Türkiyə Respublikasının İstanbul şəhərinə səfər edəcəklər.
Milli Məclisdə “Qadın və uşaq hüquqları üzrə qanunvericiliyin təkmilləşdirilməsi: mövcud vəziyyət və yeni çağırışlar” mövzusunda ictimai dinləmə keçirilib
Oktyabrın 27-də Milli Məclisin Ailə, qadın və uşaq məsələləri komitəsinin İnsan hüquqları komitəsi ilə birgə “Qadın və uşaq hüquqları üzrə qanunvericiliyin təkmilləşdirilməsi: mövcud vəziyyət və yeni çağırışlar” mövzusunda ictimai dinləməsi keçirilib.
Milli Məclisin sədr müavini Adil Əliyev Naxçıvanda gənclərlə görüşüb
“Heydər Əliyev İli” çərçivəsində həyata keçirilən tədbirlərin davamı kimi “Heydər Əliyev müasir Azərbaycan gənclər siyasətinin banisidir” mövzusunda Naxçıvan şəhərində keçirilən tədbirdə Milli Məclis sədrinin müavini, parlamentin Gənclər və idman komitəsinin sədri Adil Əliyev gənclərlə görüşüb.
İraq Nümayəndələr Şurasının üzvləri ilə görüşdə
Oktyabrın 27-də Milli Məclisin Azərbaycan-İraq parlamentlərarası əlaqələr üzrə işçi qrupunun üzvləri İraq Respublikası Nümayəndələr Şurasının üzvləri görüşüb.
Milli Məclisdə İraq nümayəndə heyəti ilə görüş keçirilib
Oktyabrın 27-də Milli Məclis sədrinin müavini Fəzail İbrahimli ölkəmizdə səfərdə olan İraq Respublikası Nümayəndələr Şurasının İnsan haqları komitəsinin sədri Ərşad Rəşad Əl-Salihinin rəhbərlik etdiyi İraq nümayəndə heyəti ilə görüşüb.
İraq Respublikası Nümayəndələr Şurasının nümayəndə heyəti Fəxri xiyabanı və Şəhidlər xiyabanını ziyarət edib
Oktyabrın 27-də ölkəmizdə səfərdə olan İraq Respublikası Nümayəndələr Şurasının İnsan haqları komitəsinin sədri Ərşad Rəşad Əl-Salihin başçılıq etdiyi nümayəndə heyəti Fəxri xiyabana gələrək xalqımızın Ümummilli Lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini dərin ehtiramla yad edib, məzarı önünə tər çiçəklər düzüb.
_1698387682.jpeg)
Ankarada Azərbaycan və Türkiyə parlamentlərarası dostluq qrupları arasında görüş olub
Xəbər verdiyimiz kimi, spiker Sahibə Qafarovanın başçılığı ilə Milli Məclisin nümayəndə heyəti Türkiyənin Ankara şəhərində rəsmi səfərdədir. Səfər çərçivəsində Azərbaycan-Türkiyə parlamentlərarası əlaqələr üzrə işçi qrupunun üzvləri Türkiyə Böyük Millət Məclisinin Azərbaycanla dostluq qrupunun üzvləri ilə görüşüblər.
“Bir millət, iki dövlət” adlı Forum keçiriləcək
Milli Məclis sədrinin müavini, parlamentin Gənclər və idman komitəsinin sədri Adil Əliyev və Ailə, qadın və uşaq məsələləri komitəsinin sədri Hicran Hüseynova oktyabrın 26-da Naxçıvan şəhərində keçiriləcək “Bir millət, iki dövlət” adlı Forumda iştirak edəcəklər.
Milli Məclisin Mətbuat xidmətinin MƏLUMATI
Korsika xalqının öz milli kimliyinin bərpa edilməsi, fundamental hüquq və azadlıqlarının təmin olunması istiqamətində mübarizəsinə dəstək məqsədilə Azərbaycan Respublikası Milli Məclisində yeni qrup yaradılmışdır.
Milli Məclisin Beynəlxalq münasibətlər və parlamentlərarası əlaqələr komitəsi Almaniya Bundestaqının Xarici əlaqələr komitəsi sədrinin bəyanatına etirazını bildirib
Azərbaycan Respublikası Milli Məclisinin Beynəlxalq münasibətlər və parlamentlərarası əlaqələr komitəsi Almaniya Bundestaqının Xarici əlaqələr komitəsi sədrinin bəyanatına etirazını bildirib.
Milli Məclisdə Qırğızıstan Hesablama Palatasının nümayəndə heyəti ilə görüş olub
Oktyabrın 23-də Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili və komitə üzvləri ölkəmizdə səfərdə olan Qırğızıstan Respublikası Hesablama Palatasının sədri Almazbek Akmatovun başçılıq etdiyi nümayəndə heyəti ilə görüşüblər.
MDB PA-nın tədbirlərində
Oktyabrın 24-də Milli Məclisin Elm və təhsil komitəsinin sədri Bəxtiyar Əliyev, deputatlar Tamam Cəfərova və Sabir Hacıyev MDB PA-nın tədbirlərində iştirak etmək üçün Rusiyanın Sankt-Peterburq şəhərinə səfər edəcəklər.
Milli Məclisin deputatları Serbiyaya səfər edəcəklər
Milli Məclisin Azərbaycan-Serbiya parlamentlərarası əlaqələr üzrə işçi qrupunun rəhbəri Məlahət İbrahimqızı, qrupun üzvləri Jalə Əhmədova, Asim Mollazadə və Mahir Abbaszadə oktyabrın 24-də Serbiyanın paytaxtı Belqrad şəhərinə səfər edəcəklər.
Bakıda keçirilən neokolonializmə həsr olunmuş konfrans iştirakçıları Milli Məclisdə olublar
Oktyabrın 21-də Milli Məclisin bir qrup deputatı ilə Bakıda keçirilən “Neokolonializm: İnsan Hüquqlarının Pozulması və Ədalətsizlik” mövzusunda beynəlxalq konfransın iştirakçılarının bir qismi arasında görüş olub.
Milli Məclisin deputatları Türkiyəyə səfər edəcəklər
Milli Məclisin deputatları Əziz Ələkbərov və Hikmət Məmmədov “Qərbi Azərbaycan gerçəkliyi: tarixi həqiqətlər” mövzusunda keçiriləcək konfransda iştirak etmək üçün oktyabrın 23-də Türkiyənin İstanbul şəhərinə səfər edəcəklər.
Azərbaycan-Çexiya parlamentlərarası əlaqələr üzrə işçi qrupunun bəyanatı
Çex Respublikası Senatının regionumuzda baş verən proseslərə dair qəbul etdiyi qeyri-obyektiv, mövcud reallıqları təhrif edən qətnaməsi təəssüf doğurur. Azərbaycan-Çexiya parlamentlərarası əlaqələr üzrə işçi qrupu olaraq, bu qərəzli qətnaməyə qəti etirazımızı bildiririk.
Azərbaycan-Avstriya parlamentlərarası əlaqələr üzrə işçi qrupunun bəyanatı
Azərbaycan-Avstriya parlamentlərarası əlaqələr üzrə işçi qrupu Avstriya Parlamentinin 19 oktyabr 2023-cü il tarixli birtərəfli, regionda baş verən hadisələri obyektiv əks etdirməyən, beynəlxalq hüquq normalarına və beynəlxalq aləmdə Avstriya Respublikasının neytral mövqeyinə zidd olan bəyanatına qəti etirazını bildirir və regionda etimad və sülh yaradıcı fəaliyyəti hədəf alan bu hərəkəti şiddətlə qınayır.
Milli Məclisin deputatı beynəlxalq konfransda iştirak edəcək
Milli Məclisin deputatı Ramil Həsən oktyabrın 21-də Niderland Krallığının Haaqa şəhərinə səfər edəcək.
Parlamentlərarası İttifaqın tədbirində
Milli Məclisin deputatları Elnur Allahverdiyev, Kamran Bayramov, Sevil Mikayılova, parlament aparatı rəhbərinin müavini Rüstəm Mahmudov və digər rəsmi şəxslər Parlamentlərarası İttifaqın 147-ci Assambleyasının işində iştirak etmək üçün oktyabrın 22-də Anqola Respublikasının Luanda şəhərinə səfər edəcəklər.
Türkiyə Böyük Millət Məclisinin nümayəndə heyəti Şuşaya səfər edib
Türkiyə Böyük Millət Məclisinin Baş katibi Talip Uzunun rəhbərlik etdiyi parlament nümayəndə heyəti ölkəmizə səfəri çərçivəsində oktyabrın 19-da Şuşa şəhərində olub.