MİLLİ MƏCLİSİN AQRAR SİYASƏT KOMİTƏSİNİN NÖVBƏTİ İCLASI GƏNCƏDƏ KEÇİRİLİR

Martın  11-də  Gəncədə Milli Məclisin Aqrar siyasət komitəsinin  növbəti  iclası  keçirilir. Komitənin sədri Eldar  İbrahimov,  deputatlar  Eldar Quliyev,  Miri Qənbərov, Ərəstun Cavadov, Gülhüseyn Əhmədov,  Tahir  Süleymanov,  Məjlum Şükürov  bu məqsədlə  Gəncə  şəhərinə yollanıblar.
Azərbaycan Aqrar Universitetinin akt zalında keçiriləcək toplantıda “Pambıqçılıq haqqında” və  “Kənd  təsərrüfatının  kooperasiyası  haqqında”  qanun layihələrinin  geniş müzakirəsi aparılacaq.
Tədbirdə  deputatlarla  birgə Aqrar Universitetin müəllimləri, Azərbaycan Elmi  Tədqiqat  Pambıqçılıq  İnstitutunun elmi işçiləri  və digər mütəxəssislər  iştirak  edəcək, hər iki sənədlə  bağlı  rəy  və  təkliflər  dinləniləcək.

Milli Məclisin
Mətbuat  xidməti